અમદાવાદ શહેરમાં બંગાળી સમાજ દ્વારા દર વર્ષે યોજાતા દુર્ગા પૂજા મહોત્સવની શરૂઆત આજે થઈ રહી છે. શહેરના વિવિધ વિસ્તારોમાં કુલ 23 સ્થળોએ માતા દુર્ગાની પ્રતિમાઓની સ્થાપના કરવામાં આવી છે. આ અવસરે ભક્તિમય વાતાવરણ સર્જાશે અને દશેરા સુધી અનેક ધાર્મિક તથા સાંસ્કૃતિક કાર્યક્રમો યોજાશે.
દૈનિક આરતી, પૂજા, ભજન, અંજલિ અને પ્રસાદ વિતરણ સાથે–સાથે યુવાનો માટે સંગીત, નૃત્ય અને સાંસ્કૃતિક કાર્યક્રમોનું પણ આયોજન કરવામાં આવ્યું છે. મહિલાઓના ભક્તિગીતો અને પરંપરાગત નૃત્યો ઉત્સવમાં વિશેષ આકર્ષણ બનશે.
📍 કયા–કયા વિસ્તારોમાં યોજાશે દુર્ગા પૂજા?
- સાબરમતી દુર્ગાત્સવ કમિટી દ્વારા સાબરમતીના ‘ડી’ કેબિન રોડ પરના વલ્લભ પાર્ક શોપિંગ સેન્ટર ખાતે
- ઓલ ગુજરાત રિસર્જન્ટ ટ્રસ્ટ, ડાયમંડ પાર્ક, નરોડા
- આંબલીના રાજપથ રોડ પર આવેલ કાલીબારી મંદિર ખાતે
- કર્ણાવતી બાંગિયો પોરિષોદ દ્વારા થલતેજના ગોવર્ધન પાર્ટી પ્લોટ ખાતે
- ગીતાંજલિ દુર્ગાત્સવ દ્વારા વટવાના નવજીવન ફ્લેટની સામે દુર્ગા ગ્રાઉન્ડ ખાતે
- બાવળા દુર્ગા પૂજા એસો. દ્વારા અમૃત વાઘ ખાતે
- સેવી સ્વરાજ દુર્ગાપૂજા દ્વારા જગતપુરના રિવાઝ બેન્કવેટ ખાતે
- શાંતિગ્રામ બંગાળી કલ્ચરલ એસો. દ્વારા અદાણી શાંતિગ્રામના શોપર પ્લાઝાના ગાર્ડન ખાતે
- જશોદાનગરના પાલખી ઉપવન પાર્ટી પ્લોટ ખાતે
- કાંકરિયાના ઓપન એર થિયેટર ખાતે
- ઘોડાસરના વૈભવ હોલ ખાતે
- મણિનગરના પાયલ ઉપવન પાર્ટી પ્લોટ ખાતે
- ઈસનપુરની જલધારા સોસાયટી પાસેની મુખીની વાડી ખાતે
- ચાંદખેડા બંગાળ કલ્ચરલ એસો. દ્વારા ઓએનજીસી અવની ભવનના પૂજા સ્થળ ખાતે
- ચેટર્જી બારીર પૂજા દ્વારા વસ્ત્રાપુર કોનાર્ક કરિરશ્મા ટાવર ખાતે
- ઓઢવના આદિનાથનગરના ઈન્દિરાપાર્ક સોસા. ખાતે
- ઓઢવના જડેશ્વર મહાદેવ મંદિર ખાતે
- સાર્વજનિક દુર્ગા પૂજા કમિટી દ્વારા ઍરપોર્ટ કોમ્યુનિટી હોલ ખાતે
- ચાંદલોડિયા રોડ પરના સંતરામ કોમ્યુનિટી હોલ ખાતે
- સોલા રોડ પરના પારસનગર ખાતે
- બંગાળી યુથ કલ્ચર એસો. દ્વારા વસ્ત્રાલ ગામ મેટ્રો સ્ટેશન પાસેના સુખરાય મહાદેવ ટેમ્પલ ખાતે
- ઘોડાસરના મા શક્તિ પાર્ટી પ્લોટ ખાતે
- આંબલી બોપલ રોડ પરના વિક્રમનગર ખાતે
આ 23 સ્થળોએ યોજાનાર આ ઉત્સવમાં હજારો ભક્તો ઉપસ્થિત રહેશે તેવી ધારણા છે. બંગાળી સમાજનું આ આયોજન માત્ર ધાર્મિક જ નહીં પરંતુ સામાજિક એકતાનું પણ પ્રતિક બની રહ્યું છે.