પાવાગઢ શક્તિપીઠ શ્રી મહાકાળી મંદિર ટ્રસ્ટે આસો નવરાત્રિ 2025 દરમ્યાન દર્શનનો વિશેષ સમય જાહેર કર્યો છે. દર વર્ષે લાખો ભક્તો પાવાગઢ મહાકાળી માતાના દર્શન માટે આવે છે, જેને ધ્યાનમાં રાખીને ટ્રસ્ટે આ વખતે ખાસ વ્યવસ્થા કરી છે.

દર્શનનો સમય

20 સપ્ટેમ્બરથી 6 ઓક્ટોબર 2025 સુધી મંદિર સવારે 4 વાગ્યાથી સાંજે 8 વાગ્યા સુધી ખુલ્લું રહેશે.

નવરાત્રિના પ્રથમ દિવસે (20 સપ્ટેમ્બર) મંદિર સવારે 5 વાગ્યે ખુલશે.

અમાસ અને એકમના દિવસે પણ દર્શનનો આરંભ સવારે 5 વાગ્યાથી થશે.

28 સપ્ટેમ્બરે મંદિર સૌથી વહેલો, એટલે કે સવારે 4 વાગ્યે ખુલશે.

શા માટે કરવામાં આવ્યો સમય બદલાવ?

નવરાત્રિ દરમિયાન પાવાગઢ મહાકાળી મંદિરમાં દેશભરના ભક્તો ભારે સંખ્યામાં આવતા હોય છે. લાંબી કતારો અને ભારે ભીડને કારણે ભક્તોને સરળતાથી માતાજીના દર્શન મળી શકે તે માટે આ ખાસ સમયપત્રક જાહેર કરવામાં આવ્યું છે.

પાવાગઢ મહાકાળી મંદિર – એક શક્તિપીઠ

પાવાગઢ મહાકાળી મંદિર ભારતના 51 શક્તિપીઠોમાંનું એક છે. અહીં વર્ષભર લાખો ભક્તો આવતાં હોય છે, પરંતુ ખાસ કરીને ચૈત્ર અને આસો નવરાત્રિ દરમિયાન ભક્તોની સંખ્યા અનેકગણી વધી જાય છે. આ કારણે ટ્રસ્ટ દર વર્ષે ખાસ વ્યવસ્થા કરે છે.